അവധിക്കാല ക്യാമ്പ്
പുത്തിലോട്ട് എ യു പി സ്കൂളില്‍ "മുമ്പേ പറക്കാം" പരിപാടിയുടെ ഭാഗമായി സംഘടിപ്പിച്ച അവധിക്കാല ക്യാമ്പ് 2013 ഡിസമ്പര്‍ 20 ന് രാവിലെ 9മണിക്ക് റജിസ്ട്രേഷനോടു കൂടി ആരംഭിച്ചു. DIET ലക്‍ചറര്‍ ശ്രീ.വേണു മാഷ് ക്യാമ്പ് ഉദ്ഘാടനം ചെയ്തു.യോഗത്തില്‍ സ്കൂള്‍ ഹെഡ് മിസ്ട്രസ്സ് ശ്രീമതി.ലക്ഷ്മി ടീച്ചര്‍ അദ്ധ്യക്ഷയായിരുന്നു.എസ് ആര് ജി കണ്‍വീനര്‍ ശ്രീമതി.ബിന്ദു ടീച്ചര്‍ നന്ദി രേഖപ്പെടുത്തി.
ഇരുപത് കുട്ടികള്‍ പങ്കെടുത്ത ഈ ക്യാമ്പ് നയിച്ചത് ശ്രീമതി.പ്രേമലത ടീച്ചറും ശ്രീമതി.ചിത്ര ടീച്ചറുമാണ്.കുട്ടികള്‍ വളരെ സജീവമായി ക്യാമ്പില്‍ പങ്കെടുത്തു. ക്യാമ്പിലുടനീളം
കുട്ടികള്‍ക്ക് താല്പര്യം നിലനിര്‍ത്തുന്ന തരത്തിലുള്ള പ്രവര്‍ത്തനങ്ങളായിരുന്നു.പരിചയപ്പെടല്‍ പ്രവര്‍ത്തനം കുട്ടികള്‍ക്ക് അവരവരുടെ കഴിവുകള്‍ പ്രകടിപ്പിക്കാനുള്ള അവസരം നല്കുന്നതായിരുന്നു.വെജിറ്റബിള്‍ കളി ,ഒന്നു മുതല്‍ പത്തു വരെ എണ്ണാമോ?,നമ്പര്‍ ആക്‍ഷന്‍,ആദ്യം ആര്? തുടങ്ങിയ പ്രവര്‍ത്തനങ്ങള്‍ ക്യാമ്പിന് ഉണര്‍വ് നല്കി.പഠനത്തിലും മറ്റ് പ്രവര്‍ത്തനങ്ങളിലും പൊതുവെ പിന്നാക്കം നില്കുന്ന കുട്ടികള്‍ പോലും ഇത്തരം പ്രവര്‍ത്തനങ്ങളില്‍ സജീവമായി പങ്കെടുത്തത് ശ്രദ്ധേയമായി.
No comments:
Post a Comment